PREDSTAVA "PUSTOLOVINE KREATIVNIH KNJIGOVOĐA"

Oktobar u pozorištu započinje komedijom!

U nedjelju 5. oktobra, sa početkom u 20 sati, na sceni Dvorane „Park“, će biti izvedena komedija Teatra Rugantino „Pustolovine kreativnih knjigovođa“, koja se bavi možda centralnom opsesijom današnjice, a to je ekonomija i bog novih vremena – novac, i sve što on ljudima predstavlja.

Ova predstava na scenu dovodi majku Slavujku i njenog sina Dobrišu, koji su – uz to što žive zajedno u stanu i imaju vrlo jaku i posebnu vezu – vrhunski ekonomisti.

Slavujka je ugledni stručnjak, zaposlena na ekonomskom institutu, a Dobriša je pred velikim uspjehom – očekuje ga skoro zaposlenje u Narodnoj banci. Tu su dvije generacije, dva pogleda na svijet i dvije ekonomske škole u stalnom sukobu i mirenju, u velikoj ljubavi, ali i bijesnoj svađi, i u tom previranju oni se lijepo nadopunjuju, jer jedno i drugo smatraju da je ekonomija najvažnija ljudska djelatnost i centralno pitanje današnjice. Njihov panteon se ne sastoji od bilo kakvih bogova i idola; njihovi heroji su slavni ekonomisti.

U predstavi igraju Gordana Gadžić  Filip Vidović, dok režiju potpisuje Slađana Kilibarda, a tekst Ivan Vidić.

Ulaznice po cijeni od 8 eura se mogu kupiti na blagajni Dvorane Park u terminu od 9 do 20 sati ili online na sajtu www.hercegfest.me.